Türkiyədə zəlzələdən sonra dağılan ərazilərdə axtarış-xilasetmə tədbirlərində iştirak edən şəxslərdən bir rastlaşdığı möcüzəvi hadisədən danışıb.
Türkiyə mətbuatı xəbər verir ki, o, 2 yeniyetmənin xilas edilməsi üçün yalvaran ananın əslində, 4 il əvvəl öldüyünü iddia edib:
"Kahramanmaraş bələdiyyəsinin qarşısında dağıntılar altında xilasetmə işləri aparırıq. Ekskavator divarları dağıtmağa çalışırdı. Bir qadın gəldi, bizə dayanmağımızı söylədi. Dedi ki, bu divarın arxasında mənim iki övladım var. Bizə "onları xilas edin", deyə yalvarmağa başladı. Bütün xilasetmə qrupları ərazidə idi. Hadisənin 5-ci günü olub. Daha sonra AFAD işçi qrupları divarı dağıtdı, oradan iki uşaq çıxdı. Amma aparatlar vasitəsilə ölçmələr aparanda, orada həyat əlamətinin olmasına dair işarə yox idi. Uşaqları təhvil vermək üçün anasını axtarırıq. 13 yaşındakı uşaq dedi: "mənim anam 4 il öncə vəfat edib". Qadını axtardıq, yox idi. Hər kəs dizlərinin üstünə çöküb əllərini açıb dua etməyə başladı", - deyə o söyləyib.
