“Şamaxinka”dakı “Tantuni”nin fəaliyyəti müştəri narazılığına səbəb olur

Tarix:30-05-2021, 11:42

Baxış Sayı:2955

“Şamaxinka”dakı “Tantuni”nin fəaliyyəti müştəri narazılığına səbəb olur

Faktdır ki, indiyə kimi Azərbaycan Respublikasında hər kəsin keyfiyyətli və təhlükəsiz ərzaq mallarına olan tələbatının dolğun şəkildə ödənilməsi istiqamətində müəyyən addımlar atılsa da, bu gün də qeyd olunan sahədə ciddi problemlər yaşanmaqdadır. Baxmayaraq ki, Prezident İlham Əliyev 29 aprel 2019-cu il tarixdə “Azərbaycan Respublikasında qida təhlükəsizliyinin təmin edilməsinə dair 2019–2025- ci illər üçün Dövlət Proqramı”nın təsdiq edilməsi haqqında №114 Sərəncam imzalamışdır. Belə bir Sərəncamın imzalanmasında əsas məqsəd, yuxarıda qeyd etdiyimiz kimi ölkəmizdə əhalinin təhlükəsiz və keyfiyyətli qida məhsulları ilə təmin olunması, qida təhlükəsizliyi sisteminin səmərəliliyinin və şəffaflığının daha da artırılması və bu sahənin beynəlxalq tələblərə uyğunlaşdırılması nəzərdə tutulur.

O da hər kəsə məlumdur ki, qida mənşəli xəstəliklər və zəhərlənmə halları həm əhalinin sağlamlığına və rifahına özünün mənfi təsirini göstərir, həm də fərdlər, ailələr, icmalar, təsərrüfat subyektləri və ölkələr üçün ağır iqtisadi nəticələrə səbəb olur. Bu baxımdan qida təhlükəsizliyi cəmiyyətin inkişafında, gələcək nəsillərin sağlamlığında, insan genofondunun qorunmasında, iqtisadi məhsuldarlığın təmin olunmasında və s. xüsusi əhəmiyyət kəsb edən bir sahədir. Son illər ölkəmizdə qida təhlükəsizliyi ilə bağlı yeni çağırışlar meydana gəlməkdədir. Hazırda ölkəmizdə qida və kənd təsərrüfatı məhsullarının istehsal və idxal-ixrac həcminin artırılması, istehlakçıların sağlamlığının təmin olunması və hüquqlarının müdafiə olunması və s. kimi şərtlər əsas şərt olaraq qarşıya qoyulsa da, yenə də bir çox ictimai-iaşə müəssisələrində qida təhlükəsizliyi məsələləri tapdaqlar altına atılmaqda davam edir. Məsələn, adicə bir faktı qeyd edək ki, Bakı şəhəri, Nəsimi rayonu, “20 Yanvar” dairəsindən “Şamaxinka” adlanan əraziyə gedən yolun sağ tərəfində fəaliyyət “Tantuni”də hər cür hoqqalara qol qoyulur. Tutaq ki, hansısa bir müştəri yaşadığı yaxın əraziyə dönər sifarişi verir və dönərin ünvana hansı müddətə çatdırılacağını dəqiqləşdirir. O halda adı çəkilən bu obyektdə çalışanlar sifarişin 10-15 dəqiqə ərzində yerinə yetiriləcəyini vəd versələr də, bu heç də belə olmur və verilmiş sifariş təqribən 35-40 dəqiqə ərzində yerinə yetirilir. Bundan əlavə, bu “Tantuni”də dönərin hazırlanması zamanı əvvəlcədən doğranmış, bir növ keyfiyyətini itirmiş pomidorlardan istifadə olunur. Belə bir səbəbdən də, ünvan üzrə çatdırılmış dönərləri yeyərkən istifadə olunmuş pomidorların qıcqırması, hansısa xoşagəlməz dad verməsinin də şahidi olmaq mümkün olur. Hətta, sifariş verilmiş dönərlər ünvana yaş vəziyyətdə, yəni bir qədər isidilmədən, qurudulmadan çatdırılır. Belə bir halın varlığı müştərilərin haqlı narazılığına səbəb olsa da, həmin vaxt kuryer xidməti göstərən şəxslər “Bu dəfə bağışlayın” deyib bərk-bərk vəd versələr də, növbəti dəfə də oxşar addımlarını atırlar. Bu da hər kəsdə belə bir şübhənin baş qaldırmasına səbəb olur ki, deməli dönərin hazırlanması zamanı istifadə olunan ət məhsullarının mənşəyi ilə də bağlı şübhələnmək olar. Düşündürücü haldır ki, qeyd olunan ünvanda fəaliyyət göstərən “Tantuni”də kuryer fəaliyyəti ilə məşğul olan şəxslər, çox zaman idarə etdikləri motosikillərlə piyadalar üçün nəzərdə tutulmuş yollarda hərəkətdə olurlar. Bu da əksər hallarda piyadalar üçün təhlükələr yaradır. Hətta, bu obyektin piyadalar üçün nəzərdə tutulmuş yolun müəyyən hissəsini zəbt etməsi və piyadaların gediş-gəlişinə manelər yaratması da diqqətdən kənarda qalmır. Daha düşündürücü hallardan biri də, dönərin hazırlanmasında iştirak edən şəxslərin sağlamlıq durumlarında müəyyən problemlərin olması haqda bəzi çevrələrdə söz-söhbətlərin yayılmasıdır. Əldə etdiyimiz məlumatlara görə, bu “Tantuni”də türk vətəndaşı olan şəxs çalışır və onun da sağlamlıq durumunda problemləri var. Buna baxmayaraq həmin şəxs gündəlik müştərilərə xidmət göstərir və özü üçün “para-pura” qazanır. Bu obyektin vergidən yayınması haqda heç bir məlumat əldə edə bilməsək də, əldə etdiyimiz məlumatlar yuxarıda qeyd etdiyimiz faktlarla bağlıdır.

Hər kəsin diqqətinə onu da çatdıraq ki, hal-hazırda şəhərimizin müxtəlif ünvanlarında bir çox “Tantuni”lər fəaliyyət göstərməkdədirlər. Onların fəaliyyətləri haqda heç bir məlumata malik olmadığımızdan, qeyd olunan faktları həmin obyektlərə şamil etmək olmaz. Hətta onu da hər kəsin diqqətinə çatdıraq ki, Bakı şəhəri, Nəsimi rayonu, “20 Yanvar” dairəsindən “Şamaxinka” adlanan əraziyə gedən yolun sağ tərəfində fəaliyyət “Tantuni”də yaşananlar haqda, bəlkə də ümumi rəhbərlik heç bir məlumata malik deyil. Düşünürük ki, qeyd olunan ictimai-iaşə obyektində yaşananlar şəhər sakinlərinin haqlı narazılığına səbəb olduğundan, ümumi rəhbərlik problemlərin varlığına diqqət yetirib bu obyektdə səliqə-səhmanın yaradılmasına nail olacaq.

Mövzu diqqətimizdədir.

Rahib Fətullayev: “Restoran və mağazalar şəbəkəsinin müdiri əliqabarlı fəhlələrə çatası 7500 manat pulun “dalına keçib” - BİABIRÇILIQ”

Sərhədləri aşan MOLLA ƏXLAQSIZLIĞI... - NƏ ETMƏLİ?

Xankəndi məsələsi aydınlaşır: “Pasportumuzu almağa hazırdılar” - NƏ BAŞ VERİR?

İran Ermənistanla niyə "qardaş" olub? - Gürcüstan variantı daha zəif oldu deyə...

Paşinyan Putindən QIRILA BİLƏCƏKMİ... - Görünəni odur ki...

İlham Əliyev Anqolanın yeni səfirinin etimadnaməsini qəbul edib - FOTO

Baş nazir narkotiklərin məhv edilməsi qaydasını təsdiqlədi

"Bilmədim, bir də olmaz..." - Taksi sürücüləri saxlanıldı